Google ADS

Ronaldo vjen i pari në stërvitje dhe largohet i fundit, thotë Pirlo

08:59 | 4 Tetor 2020
L G

Trajneri i Juventusit, Andrea Pirlo, e ka lartësuar Cristiano Ronaldon për mënyrën sesi e ka nisur sezonin dhe shpreson se ai do ta vazhdojë formën e mirë.

Ronaldo i shënoi tri gola dhe e dhuroi një asist në dy ndeshjet e para të Juves në sezonin e ri 2020/21, duke i ndihmuar t’i grumbullojë katër pikë, transmeton Gazeta Express.

Para ndeshjes kundër Napolit të dielën, trajneri Pirlo e veçoi yllin portugez, për të cilin shpreson se do të shënojë edhe shumë gola të tjera.

“Ronaldo punon shumë zellshëm. Ai është i pari që vjen në stërvitje dhe i fundit që kthehet në shtëpi”, tha Pirlo.

“Ai sjell entuziazëm dhe këtë mund ta vëresh në fushë. Ai e nisi sezonin shumë mirë dhe shpresoj se do të vazhdojë njëjtë deri në fund të sezonit. Shpresoj se ai do ta shënojë një apo dy gola çdo ndeshje”, shtoi ai.

Shpërndaje në rrjete sociale

Lajmet më të lexuara

Të ngjashme

Foto lajm