Ronaldo me sy të mavijosur shfaqet në stërvitje, nuk luan ndaj Leganes

22:39 | 23 Janar 2018
Arbresh Info

Ylli i Real Madridit, Cristiano Ronaldo nuk pritet të rikthehet në aksion në ndeshjen e së mërkurës për Kupë të Mbretit kundër Leganes.

Në seancën e fundit stërvitore para ndeshjes kundër Leganes, Cristiano Ronaldo është paraqitur me sy të zi dhe të ënjtur, transmeton portali arbresh.info.

32-vjeçari u lëndua derisa po shënonte golin e dytë personal kundër Deportivo la Corunas dhe janë dashur tre penj për të ndalur rrjedhjen e gjakut nga plaga e marrë.

Si rezultat i kësaj, portugezi nuk do të luaj kundër Leganes, megjithëse kjo nuk mund ta ndaloj atë për të luajtur kundër Valencias në Estadio Mestalla.

Në fakt, pushimi i tij në këtë ndeshje ishte në plan, por duke marrë parasysh gjendjen e tij sigurisht që trajneri Zinedine Zidane nuk do të rrezikoj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm