Google ADS

Ronaldo: Më pëlqen kur më thonë të kthehem tek Real Madridi

22:09 | 3 Maj 2019
Arbresh Info

Cristiano Ronaldo ka kaluar nëntë vite të bujshme me Real Madridin, ku shënoi shumë gola, fitoj shumë tituj ekipor dhe personal.

Vitin e kaluar fituesi i pesëfisht i “Topit të artë”, u largua nga “mbretërit” për të iu bashkuar “Zonjës së vjetër”.

Kur ka kaluar thuajse një vit nga koha kur vendosi të lërë Madridin, Ronaldo dha një intervistë për të përditshmen spanjolle El Pais, ku komentoi ndër të tjera edhe zërat që flasin për një rikthim të mundshëm të tij te Reali, ashtu siç bëri Zinedine Zidane disa muaj më parë.

“Spanjollët më kanë trajtuar mjaft mirë, ndaj iki me kokën lart, sepse e di që njerëzit më duan. Reali më ka dhënë shumë, por edhe i kam dhënë shumë. Në rrugë më thonë të kthehem në shtëpinë time (në Madrid) dhe më pëlqen të dëgjoj këto fjalë”, tha portugezi për suplementin Icon, të të përditshmes El Pais.

Shpërndaje në rrjete sociale

Lajmet më të lexuara

Të ngjashme

Foto lajm