Ronaldo ka një mesazh për ata që po luftojnë me koronavirusin

18:54 | 13 Mars 2020
Arbresh.info

Cristiano Ronaldo ka përcjell një mesazh për të gjithë të prekurit nga koronavirusi.

Ylli i Juventus dhe i kombëtares së Portugalisë, Cristiano Ronaldo, ka dhënë përkrahjen e tij për të prekurit nga virusi Covid-19.

Një nga të prekurit me këtë virus është edhe shoku i skuadrës së Ronaldo, Daniele Rugani, të cilin portugezi nuk e ka lënë pa përmendur.

“Do të doja të përcjell keqardhjen time për të gjithë ata që kanë humbur dikë afër tyre, solidaritetin tim për ata që janë duke luftuar virusin, si shoku im i ekipit, Daniele Rugani, dhe mbështetjen time të vazhdueshme për profesionistët e mahnitshëm të shëndetit që vendosin jetën e tyre në rrezik, për të shpëtuar të tjerët” ishin fjalët e Ronaldo, transmeton lajmi.net.

Koronavirusi ka prekur thuajse të gjitha vendet e botës, duke u shpallur si pandemi. Së fundmi, dy raste janë konfirmuar edhe në Kosovë.

Shpërndaje në rrjete sociale

Lajmet më të lexuara

Të ngjashme

Foto lajm