Me golin e realizuar në finale të Kupës së Botës për Klube, Cristiano Ronaldo është tani në nivel të njëjtë me golashënuesit më të mëdhenj evropian të 2017-së, Lionel Messin dhe Robert Lewandowsin.

Goli i Cristiano Ronaldos në finalen e fituar të Kupës së Botës për Klube kundër Gremios ishte i 53 për sulmuesin te klubi dhe vendi i tij gjatë vitit 2017, duke kaluar në nivel të njëjtë me Lionel Messin dhe Robert Lewandowskin në garën golashënuesin më të mirë të vitit, transmeton portali arbresh.info.

Goli nga gjuajtja e lirë e Ronaldo në Abu Dhabi zgjeroi rekordin e tij në Kupë të Botës për Klube duke arritur në shtatë gola brenda katër edicioneve të kompeticionit.

Lewandowski dështoi për të shënuar në fitoren e Bayern Munichut ndaj Stuttgarit, por Edinson Cavani vazhdon garën e fuqishme pas golit të realizuar sot (e shtunë) në fitoren e Paris Saint Germainit 4 me 1 ndaj Rennes./arbresh.info/

Lojtarët me mbi 50 gola brenda vitit 2017:

• 53 Robert Lewandowski
• 53 Lionel Messi
• 53 Cristiano Ronaldo
• 52 Edinson Cavani
• 50 Harry Kane