Ish-lojtari i Real Madridit, Ronaldo Nazario dëshiron që Erling Haaland i Manchester City të luajë në Santiago Bernabeu në të ardhmen.

Aktualisht, norvegjezi luan për Citizens, ku ai është i lidhur me një kontratë që zgjat deri në vitin 2027. Sipas një raporti nga Diario AS, klauzola në kontratë, i lejon lojtarit të largohet me një çmim shumë të volitshëm për klubet jo-angleze.

Sulmuesi besohet të jetë i kënaqur me jetën në Angli, por ka një opsion largimi prej 2000 milionë eurosh në kontratën e tij që do të fillojë këtë verë.

Manchester City thuhet se është entuziast për të bërë Haaland të nënshkruajë një marrëveshje të re. Megjithatë, thuhet se sulmuesi norvegjez dëshiron të mbajë një klauzolë largimi në kontratën e tij, me qëllim që ta zbresë shifrën në 150 milionë eurove. Kjo mund ta bëjë pak më të lehtë për Los Blancos nënshkrimin e tij.

Ronaldo Nazario ka parashikuar të shikojë sulmuesin e Manchester Cityt duke luajtur së bashku me Jude Bellingham dhe Kylian Mbappe te Real Madrid. Në një intervistë për Daily Mail , ish-sulmuesi deklaroi se Haaland duhet të shkojë te Real Madridi për të krijuar Galaktikët e rinj.

“Unë mendoj se Haaland është shumë i lumtur në Manchester City për momentin, por ne do të shohim. Shpresoj se mund të shohim Mbappen, Haalandin dhe Bellinghamin së bashku në një klub. Do të krijonin Galaktikët, nëse të gjithë përfundojnë në Real Madrid”, deklaroi Ronaldo. /Telegrafi/