Google ADS

Roma refuzon mundësinë për nënshkrimin me Ivan Perisic

14:58 | 8 Gusht 2019
Arbresh Info

Roma raportohet të ketë refuzuar shansin për të nënshkruar me anësorin e Interit, Ivan Perisic.

Perisic nuk është në planet e Interit për këtë sezon dhe CalcioMercato pretendon se ai i ishte ofruar drejtorit sportiv të Romas, Gianluca Petrachi, transmeton portali arbresh.info.

“Giallorossët” duhet të mbushin hapësirën e lënë pas transferimit të Stephan El Shaarawy te skuadra kineze Shanghai Shenhua, por uebfaqja thekson se ata “me mirësi” kanë lënë anash kroatin.

Sidoqoftë, dy klubet janë në bisedime rreth Edin Dzekos, i cili mund të ndjek hapat e sulmuesit Romelu Lukaku në San Siro para përfundimit të muajit gusht.

Mbetet të shihet nëse 30-vjeçari do të kërkojë largimin ose do të qëndrojë për të luftuar për pozitë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm