Arjen Robben ishte një nga protagonistët kryesorë të fitores spektakolare ndaj Arsenalit.
Gjatë një interviste për “spox”, 33-vjeçari holandez bën humor me anglezët, Lahmin dhe stilin e tij karakteristik të shënimit.“Unë kam shtatë vjet e gjysmë në Mynih dhe kur i kemi vënë qëllim vetes të bëjmë ndeshje të madhe ia kemi arritur.
U surprizova edhe vetë me paraqitjen. Nuk e kisha menduar kështu, duke u bazuar që loja jonë nuk ka qenë në nivele të larta këtë vit. Ka të bëjë edhe me lojën e kundërshtarit. Nuk luajtëm përballë një ekipi që mbrohet me 5 lojtarë.
Nëpërmjet katërkëndëshit mbrojtës patëm shumë hapësira boshe. I përdorëm dhe ofruam futboll të bukur. Ndoshta na nënvlerësuan nga mosha bashkë me Lahmin. Ju jemi dukur pleq (qesh)”, tha Robben.
“Në pjesën e dytë qesha disa herë me Lahmin, ngaqë pati vrapuar shumë dhe mezi po merrte frymë. Më tha se nuk jemi më të rinj. E shijoj ndeshjen përkrah tij. Kemi shumë kohë që luajmë dhe kuptohemi shumë mirë. Ndonjëherë nuk e shoh fare se ku ndodhet, pasi e nuhas me instikt”, u shpreh Robben.
Stavileci: Dogana do të tejkalojë vitin e kaluar për të hyra...
Dhjetë gabime që ndikojnë në gjumin tonë dhe si t’i sh...
Një mbretëri e fshehur virusesh jeton në zorrët tona
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...