Marash Kumbulla ka lënë pas dëmtimin e rëndë që pësoi në pranverë të këtij viti ndaj Milanit dhe ka rinisur stërvitjen me grupin te skuadra e Romës. Mbrojtësi shqiptar i verdhekuqve po shton ngarkesën gradualisht, teksa rikthimin në fushë është shumë pranë për të.
Detajet i ka dhënë vetë trajneri i Romës, Jose Mourinho, në prag të ndeshjes ndaj Fiorentinës, duke dhënë edhe datën e rikthimit në fushë të mbrojtësit shqiptar.
“Kumbulla ka lënë pas dëmtimin dhe po stërvitet rregullisht me skuadrën. Nuk e rrezikuam ndaj Fiorentinës, pasi vjen nga një ndërprerje e gjatë dhe duam të rikuperohet sa më mirë. Besoj se mund të luajë 10-15 minuta ndaj Napolit, nëse do ta kemi të nevojshme, megjithatë në sfidën pasardhëse ndaj Juventusit do të ketë patjetër hapësira”, u shpreh Mourinho.
Roma do të presë Napolin mbrëmjen e 23 dhjetorit në “Olimpico” dhe më pas një javë më vonë do të luajë ndaj Juventusit në transfertë, në sfidën e fundit të vitit./ss
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...