Lionel Messi ka dhuruar një nga shfaqjet më të mira së paku sa është pjesë e skuadrës amerikane Inter Miami.

Të udhëhequr nga Messi, Inter Miami arriti një fitore me rikthim 6-2 ndaj New York Red Bull, pasi ishin në disavantazh pas pjesës së parë.

Ylli argjentinas në këtë takim dha kontribut në gjashtë golat për skuadrën e tij, duke shënuar një dhe duke asistuar në pesë të tjerë, diçka e rrallë për një futbollist, por jo për një gjeni si Messi.

Në fakt Messi bëhet futbollisti i parë që arrin pesë asistime në një ndeshje, pasi askush më parë nuk e kishte bërë një gjë të tillë.

Por 5 majin e vitit 2024 dhe ndeshjen ndaj New York Red Bull do ta mbajë gjatë në mendje Messi, pasi ka arritur të thyej një tjetër rekord.

Messi është bërë futbollisti i parë në historinë e futbollit që ka arritur statistikën e 1200 gola + asistimeve (833 gola dhe 372 asiste në 1058 ndeshje).

Këtë edicion Messi ka zhvilluar tetë ndeshje në MLS ku ka 10 gola dhe 11 asistime. /Telegrafi/

Making history… AGAIN: 5️⃣ assists 1️⃣ goal tonight for the 🐐 pic.twitter.com/vjqheLTPu6

— Inter Miami CF (@InterMiamiCF) May 5, 2024