Lionel Messi ka vendosur një rekord në fitoren e sotme (e diele) të Barcelonës.

Gjiganti katalunas arriti të përmbys rezultatin në Camp Nou në ndeshjen e zhvilluar ndaj Deportivo Alaves për të vazhduar si e pamposhtur në La Liga, shkruan portali arbresh.info. Golat nga dy yjet, Luis Suarez dhe Lionel Messi, shpëtuan “Blaugranët” në ndeshjen debutuese të Philippe Coutinhos në kampionatin spanjoll duke i siguruar fitore me rezultat 2 me 1.

Superylli Lionel Messi shënoi një supergol nga gjuajtja e lirë në minutën e 82′ të ndeshjes për t’i dhuruar fitoren skuadrës së trajnerit spanjoll Ernesto Valverde pas golit të barazimit nga Luis Suarez.

Megjithatë, goli direkt nga gjuajta e lirë ishte goli i 21-të në La Liga nga Lionel Messi, që ka shënuar më shumë se çdo lojtarë tjetër, përfshirë superyllin dhe rivalin e tij – Cristiano Ronaldon.

https://www.facebook.com/arbresh.sport/videos/314047852449856/

Sulmuesi i Real Madridit ka shënuar gjithsej 20 gola direkte nga gjuajta e lirë për ‘Los Blancos’ qysh pas transferimit të tij në Bernabeu./arbresh.info/

https://twitter.com/OptaJose/status/957729359586054146