Reali vazhdon qëndrimin në krye të La Ligas (VIDEO)

18:08 | 18 Mars 2017
Arbresh Info

“Madrilenët” kanë siguruar edhe tre pikë në ndeshjen e së shtunës si mysafirë kundër Athletic Bilbaos.

Real Madridi vazhdon qëndrimin në krye të La Ligas pas fitores me rezultat 1 me 2 në ndeshjen e xhiros së 28 në La Liga kundër Athletic Bilbos, shkruan portali arbresh.info.

Karim Benzema (25′) dhe Casemiro (68′) ishin dy autorët e golave për skuadrën e Zinedine Zidanes, ndërsa superylli portugez Cristiano Ronaldo ishte asistues i të dy golave.

Sulmuesi Aritz Aduriz ishte golashënuesi i vetëm për nikoqirët. Aduriz shënoi me kokë në minutën e 65′ të ndeshjes pas asistimit nga Raul Garcia. Kjo është disfata e dytë e Athletic Bilbaos në shtëpi këtë edicion pas asaj të pësuar 0 me 1 nga Barcelona.

Real Madridi tani ka 65 pikë, pesë më shumë se Barcelona në pozitën e dytë e cila ka edhe një ndeshje më pak./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm