Reali humb nga CSKA në Bernabeu, vazhdon në fazën tjetër si i pari i grupit

20:57 | 12 Dhjetor 2018
Arbresh Info

Real Madridi ka pësuar humbje befasuese, por të parëndësishme nga CSKA Moska me rezultat 0-3 në Santiago Bernabeu.

Los Blancos përkundër kësaj humbje ata përfundojnë fazën e grupeve të Ligës së Kampionëve në vendin e parë.

Ndeshja filloi me shumë shans të Realit, por spanjollët nuk kishin fat dhe konkretizim para portës kundërshtare.

Kështu mysafirët shënuan dy gola të shpejtë, fillimisht me anë të Fedor Chalov (37′) dhe pastaj me Georgi Schennikov.

Edhe në pjesën e dytë ishte pothuajse e njëjta histori, golin e tretë dhe të fundit në këtë ndeshje e shënoi Amor Sigurdsson në minutën e 73-të.

Kështu Real Madridi e përfundon Grupin G në vendin e parë me 12 pikë dhe vazhdon në fazën e eliminimit direkt ashtu si Roma nga pozita e dytë me nëntë pikë.

Në Ligën e Evropës nga vendi i tretë shkon Plzen me shtatë pikë, kurse CSKA Moska e fundit me shtatë pikë.

Kundërshtari i ardhshëm i skuadrës spanjolle do mësohet me anë të shortit.

https://www.youtube.com/watch?v=WOqtyCVV3Cg

Shpërndaje në rrjete sociale

Lajmet më të lexuara

Të ngjashme

Foto lajm