Reali dëshiron transferimin e Ginter me parametra zero

10:36 | 18 Shtator 2021
L G

Matthias Ginter është futur në vitin e fundit të kontratës me Borussia Moenchegladbach.

Mbrojtësi gjerman është njëri nga më të mirët në Bundesliga dhe një titullar i rregullt te Kombëtarja e Gjermanisë.

Situata e tij aktuale me kontratën te Gladbach ka alarmuar shumë skuadra që duan të përfitojnë për ta transferuar mbrojtësin me parametra zero.

Njëra nga ekipet favorite për transferimin e lojtarit është edhe gjiganti spanjoll Real Madrid.

AS ka raportuar se Los Blancos janë duke përcjellë situatën e gjermanit te klubit dhe po mendojnë qysh në janar të arrijnë një marrëveshje me mbrojtësin.

Carlo Ancelotti e pëlqen shumë mbrojtësin gjerman dhe dëshiron ta ketë nën urdhrat e tij nga sezoni i ri.

Gjithsesi në garë për të mbeten edhe skuadra tjera të mëdha si Bayern Munich, Inter, Barcelona e Chelsea./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm