Real Sociedadi uron Adnan Januzajn për ftesën nga Belgjika

14:04 | 3 Nëntor 2017
Arbresh Info

Adnan Januzaj është ftuar nga trajneri Roberto Martinez Montoliu për dy ndeshjet e ardhshme miqësore me skuadrën kombëtare.

Përfaqësuesja e Belgjikës ka publikuar listën e lojtarëve të ftuar dhe pjesë e lojtarëve të thirrur për grumbullim është edhe kosovari Adnan Januzaj, shkruan portali arbresh.info.

Lexo edhe: Shuhet ëndrra e Kosovës, Adnan Januzaj ftohet sërish nga Belgjika

Mesfushori ka ndryshuar mendjen e trajnerit spanjoll Roberto Martinez me gjashtë paraqitjet e tij impresive në La Liga te Real Soceidadi duke siguruar kështu ftesën pavarësisht mundësisë për të zgjedhur kombëtaren e Kosovës sipas rregullave të reja nga UEFA.

“Urime Adnan Januzaj për ftesën nga Belgjika”, shkruan Real Sociedadi në rrjetin social Twitter.

22-vjeçari është transferuar te skuadra spanjolle gjatë verës nga Manchester United për 8 milionë euro.

“Djajtë e Kuq” do të takohen me Meksikën në stadiumin King Baudouin më 10 nëntor, ndërsa katër ditë më vonë presin Japoninë në stadiumin Jan Breydel./arbresh.info/

https://twitter.com/RealSociedad/status/926409178838683648

Shpërndaje në rrjete sociale

Lajmet më të lexuara

Të ngjashme

Foto lajm