Real Madridi tregon nëse Odegaard është infektuar me koronavirus

13:03 | 23 Shtator 2020
L G

Real Madridi e ka hedhur poshtë lajmin se Martin Odegaard kishte dalë pozitiv në testin për koronavirus, pas ndeshjes në “Anoeta”, përballë Real Sociedadit, të dielën e kaluar.

Kampioni spanjoll, i alarmuar për rezultatin e testit të norvegjezit, i bëri analizat të gjithë skuadrës dhe përgjigjet që mori këtë të mërkurë ishin të gjitha negative, përfshirë edhe të Odegaardit.

Pra, përgjigjja e parë për mesfushorin, në fakt ka qenë pozitiv i rremë (fals).

Kjo do të thotë që Odegaard do të jetë në gjendje të stërvitet në Valdebebas dhe të luajë kundër Betisit, në Sevillë, këtë të shtunë.

Real Madridi e dha lajmin e mirë në lidhje me përgjigjen e testeve nëpërmjet një njoftimi zyrtar:

“Real Madrid CF komunikon se pas testeve të fundit COVID-19 të kryera në ekipin tonë të parë të futbollit dhe staf, të gjitha rezultatet kanë qenë negative.”

Shpërndaje në rrjete sociale

Lajmet më të lexuara

Të ngjashme

Foto lajm