Real Madridi njofton për lëndimin e Mbappes

13:45 | 25 Shtator 2024
K.B

Kylian Mbappe u lëndua gjatë ndeshjes së mbrëmshme, ku Real Madridi shënoi fitore me rezultat 3:2 ndaj Alavesit.

Sot, “Los Blancos” dhanë një përditësim rreth gjendjes së yllit francez.

“Pas analizave që i janë bërë sot lojtarit tonë Kylian Mbappé nga shërbimet mjekësore të Real Madridit, ai është diagnostikuar me një dëmtim në bicepsin femoral të këmbës së majtë. Evolucioni në pritje”, thuhet në komunikatën e lëshuar nga madrilenët.

Ende nuk dihet periudha se sa do të mungojë Mbappe në fushat e blerta, ndërsa raportohet se mund të mungojë deri në tri javë./ge

Shpërndaje në rrjete sociale

Lajmet më të lexuara

Të ngjashme

Foto lajm