Real Madridi nis jetën pas Ronaldos, prezanton Alvaro Odriozola

16:37 | 18 Korrik 2018
Arbresh Info

Real Madridi ka prezantuar lojtarin Alvaro Odriozolan në Santiago Bernabeu duke nisur kështu jetën pas largimit të Cristiano Ronaldos.

Reprezentuesi 22-vjeçar i Spanjës, i cili është transferuar për 35 milionë funta nga Real Sociedadi, ka parakaluar para qindra tifozëve në stadiumin e klubit pasditen e sotme (e mërkurë), transmeton portali arbresh.info.

Odriozola ishte pjesë e skuadrës së Spanjës në Kampionatin Botëror në Rusi, por nuk mori pjesë në katër ndeshjet e tyre para eliminimit nga skuadra nikoqire në penalti në xhiron e 1/8-së.

Pas prezantimit nga tifozët, Odriozola, i cili ka nënshkruar kontratë gjashtë vjeçare me kampionin evropian, shfaqi aftësitë e tij në kontrollimin e topit dhe dërgoi më atë me një goditje të fuqishme drejtë turmës.

Ai kaloi gjithashtu me sukses testin mjekësor duke u bërë përforcimi i tretë i tyre këtë verë, pas portierit Andriy Lunin dhe brazilianit Vinicius Junior./arbresh.info/ 

https://twitter.com/realmadriden/status/1019573881978449920

Shpërndaje në rrjete sociale

Lajmet më të lexuara

Të ngjashme

Foto lajm