Google ADS

Real Madridi i vendosur për të nënshkruar me sulmuesin Alexis Sanchez

15:03 | 23 Nëntor 2017
Arbresh Info

Real Madridi raportohet se dëshiron ta rrëmbej shënjestrën e Manchester Cityt, sulmuesin e Arsenalit – Alexis Sanchez.

28-vjeçari ishte afër transferimit te Manchester City gjatë verës, por “Topçinjtë” nuk shitën atë pas dështimit për të siguruar shërbimet e Thomas Lemarit nga Monaco, transmeton portali arbresh.info.

“Qytetarët” besohet se ende janë të interesuar në transferimin e reprezentuesit kilian, megjithëse bazuar në ‘Don Balon’, skuadra e Pep Guardiolas do të përballet në garë me Madridin pasi gjiganti spanjoll dëshiron të arrijë një marrëveshje.

Raporti shton se nëse ‘Los Blancos’ arrijnë të sigurojnë transferimin e Sanchezit verën e ardhshme, ata do të shesin Gareth Balen, të cilin janë duke e monitoruar klubet si Manchester United, Tottenham Hotspur dhe Chelsea.

Sanchez ka shënuar 47 gola brenda 141 paraqitjeve te Barcelona para transferimit në Arsenal, ku ka realizuar vetëm 75 gola brenda katër sezoneve të fundit./arbresh.info/

https://www.instagram.com/p/BbpVDvpF7B8/

Shpërndaje në rrjete sociale

Lajmet më të lexuara

Të ngjashme

Foto lajm