Real Madridi raportohet se është i përgatitur për të rrëmbyer shënjestrën e Barcelonës për transferim, yllin Antoine Griezmann të Atletico Madridit.

E ardhmja e reprezentuesit të Francës është në dyshime aktualisht, ndërkohë që kalimi gjatë verës te një klub më i madh besohet se ka gjasa të ndodhë më shumë, transmeton portali arbresh.info.

Real Madridi ka një listë të gjatë me emra të mëdhenj që janë pjesë e vëmendjes së tyre, përfshirë Paulo Dybalan, Harry Kanen dhe Eden Hazardin që janë shënjestrat e presidentit Florentino Perez.

Duke marrë parasysh faktin që Cristiano Ronaldo dhe Karim Benzema nuk janë në formën e tyre më të mirë këtë sezon, është një befasi e vogël që Madridi kërkon ndryshime madhështore në front për vitin e ardhshëm.

‘Don Balon’ pretendon që interesimi i Barcelonës për të shpenzuar aq shumë në transferimin e Griezmannit pas transferimit të Philippe Coutinhos nga Liverpooli në zonën ofanzive është komplikuar.

Po ashtu, raportohet që Lionel Messi, Luis Suarez dhe Andres Iniesta i ka thënë klubit se ata nuk besojnë që Griezmann do të jetë një shfrytëzim i mirë për gjithë ato të holla.

26-vjeçari padyshim është njëri nga lojtarët më të mirë në sulm aktualisht pasi ka shënuar 91 gola brenda 182 paraqitjeve për Atleticon./arbresh.info/