Real Madridi është i gatshëm për të shtruar një mega ofertë vonë në këtë merkato të transferimeve për yllin e Chelseat, Eden Hazard.

Real Madridi është duke vuajtur pas disfatës tronditëse të pësuar mbrëmjen e kaluar nga Atletico Madridi në finale të Superkupës të zhvilluar në Tallinn, transmeton portali arbresh.info.

Kampioni evropian është mposhtur me rezultat 4 me 2 dhe kjo ishte hera e parë që nga emërimi i Zinedine Zidanes si trajner që ata kanë pranuar katër gola.

Ky ishte një debutim i tmerrshëm për pasardhësin e Zizout, Julen Lopeteguit, dhe presidenti Florentino Perez tani është në presion për të shpenzuar të holla të mëdha në merkato të transferimeve në mënyrë për të qetësuar tifozët e zemëruar.

Rikthimi i planeve për transferimin e Hazardit tani është në agjendë, ndonëse Perez ngurron të paguaj shifrën prej 200 milionë euro të caktuar nga Chelsea.

Megjithatë, presidenti i ‘Los Blancos’ e di se ata duhet të thyejnë rekordin e tyre të transferimeve nëse dëshirojnë të kenë shans për të finalizuar transferimin e belgut./arbresh.info/