Real Madrid rikthehet tek fitorja mposht Villarealin

23:03 | 5 Tetor 2024
D.H

Real Madrid është rikthyer tek fitorja duke mposhtur Villarealin, me rezultat 2-0 në kuadër të xhiros së nëntë në La Liga.

Madrilenët e nisën ndeshjen në mënyrën më të mirë të mundshme duke shënuar gol vetëm pas 14 minutave, shkruan Arbresh.info.

Valverde realizoi një supergol për t’i dhënë epërsinë fillestare skuadrës së tij.

Me këtë rezultat përfundoi edhe pjesa e parë.

Kurse 45 minutëshi i dytë ishte i balancuar, por që Real Madridi gjeti sërish golin, kësaj radhe shënoi braziliani, Vinicius Junio, pas asistimit të Fede Valverdes.

Deri në fund gola nuk pati, por në fundin e ndeshjes Reali mori një lajm të keq pasi Dani Carvajal u lëndua.

Futbollisti spanjoll doli nga ndeshje me lot në sy dhe për fillim gjendja e tij dukej jo e mirë.

Me këtë fitore madrilenët kanë 21 pikë dhe barazojnë Barcelonën të cilët e kryesojnë La Ligan./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm