Google ADS

Reagon Giggs pasi u arrestua për sulm ndaj të dashurës

10:11 | 3 Nëntor 2020
L G

Trajneri i Uellsit, Ryan Giggs, i ka mohuar akuzat e bëra kundër tij për sulm ndaj të dashurës.

Legjenda e Manchester Unitedit u arrestua nën dyshimin për sulm ndaj të dashurës së vet, sipas mediave britanike, transmeton Gazeta Express.

Përfaqësuesit e tij kanë thënë se Giggis i mohon akuzat për sulm që u bënë kundër tij dhe se po bashkëpunon me policinë.

Federata e Futbollit e Uellsit e anuloi konferencën për media të planifikuar për ditën e marte, ku Giggs parashihej ta bënte publike listën me futbollistët e ftuar për ndeshjet e nëntorit.

“Ne jemi në dijeni për akuzat ndaj trajnerit të ekipit kombëtar, Ryan Giggs. Ne nuk do të bëjmë asnjë deklaratë për momentin”, thuhet në reagimin e Federatës së futbollit të Uellsit.

Ndërsa, në një komunikatë të pubkiluar në emër të Giggsit, thuhet: “Ai po bashkëpunon me policinë dhe do t’i ndihmojë asaj në hetime”.

Giggs është liruar me kusht në pritje të hetimeve të tjera.

Shpërndaje në rrjete sociale

Lajmet më të lexuara

Të ngjashme

Foto lajm