Reagon e dashura e Greenwood: Do largohem nga rrjetet sociale, policia të vazhdojë hetimet

23:43 | 4 Shkurt 2022
Lorik Gerbeshi

Mason Greenwood është duke kaluar periudhën e tij më të errët edhe pse ende është thjesht një 20-vjeçar. Sulmuesi i Manchester United është vendosur nën akuzë nga e dashura e tij për dhunë seksuale dhe fizike, ndërsa disa ditë i kaloi edhe në burg.

Sakaq, Greenwood me këtë gjest të ulët, i cili në fakt duhet ende të provohet nga drejtësia, ka humbur fansat e tij, ndërsa edhe Manchester United dhe Nike kanë ndërprerë marrëdhëniet me të derisa ngjarja të sqarohet plotësisht.

Ndërkaq, për herë të parë ka reaguar edhe vajza e cila ka denoncuar futbollistin, Harriet Robson. Kjo e fundit thekson se për disa kohë do të largohet nga rrjetet sociale, ndërsa fton policinë t’i dërgojë deri në fund hetimet.

“I jam shumë falenderuese të gjithë njerëzve që më kanë dërguar mesazhe mbështetëse, ditët e fundit kanë qenë shumë të vështira për mua. Tanim më duhet nëj pushim nga rrjetet sociale ndërsa ftoj policinë t’i dërgoj deri në fund hetimet”, u shpreh Robson.

Shpërndaje në rrjete sociale

Lajmet më të lexuara

Të ngjashme

Foto lajm