Google ADS

Reagon Ballkani pas tërheqjes së Feronikelit ’74 nga garat, ka një apel për FFK-në

19:47 | 31 Tetor 2024
D.H

Gjatë ditës së sotme, Feronikeli ’74 ka njoftuar se është tërhequr nga garat.

Përmes një postimi në rrjetin social Facebook ata kanë njoftuar largimin si dhe u kanë bërë thirrje prokurorisë që të nisin hetimet ndaj gjyqtarëve, shkruan Arbresh.info.

LEXO EDHE:

ZYRTARE: FC Feronikeli 74 tërhiqet nga garat

Pas këtij lajmi skuadra e parë që ka reaguar është kampioni i Kosovës në fuqi, Ballkani.

Përmes një postimi në rrjetin social Facebook, ata kanë bërë apel tek Federata e Futbollit të Kosovës të ndërmerren masa në referim.

“Ne si klub kampion e që i kemi dhënë shumë futbollit të Kosovës, bëjmë apel tek Federata e Futbollit të Kosovës që të ndërmerren masa progresive në referim, pasi kjo që sot po ndodh me Feronikelin, nesër mund të ndodh me ne apo klubet tjera kosovare”, shkruhet ndër të tjera në reagimin e tyre.

Ndërkohë nga FFK-ja nuk ka ardhur ende ndonjë reagim zyrtar sa i përket kësaj çështje./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm