Google ADS

Reagon Arbër Zeneli pas interesimit nga Chelsea

18:19 | 18 Janar 2019
Arbresh Info

Arbër Zeneli ka reaguar pas interesimit të konfirmuar nga Chelsea.

Mbrëmjen e kaluar, ‘Sky Sports’ raportoi se gjiganti në Premierë Ligë është njëri nga klubet e shumta që kanë shfaqur interesim për të siguruar shërbimet e reprezentuesit të Kosovës, shkruan portali arbresh.info.

Anësori i krahut të majtë vlerësohej rreth 5 milionë funta dhe se “Blutë” do të jenë të pranishëm për të vëzhguar atë në ndeshjen e këtij vikendi mes Heerenveenit dhe Ajaxit.

Në një prononcim për ‘GazetaExpress’, 23-vjeçari ka thënë se aktualisht në mendjen e tij qëndron vetëm kjo ndeshje.

“Për momentin dua të fokusohem në ndeshjen ndaj Ajaxit e më pas do të mendoj për të ardhmen”, është shprehur ai.

Tottenhami, Fiorentina dhe Galatasaray janë përmendur gjithashtu si skuadra tjera të interesuara për shërbimet e 23-vjeçarit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm