Reagimi i Messit pasi theu rekordin legjendar të Pele mbrëmë është jashtëzakonisht i sinqertë

08:55 | 23 Dhjetor 2020
Arbresh.info

Nuk ka shumë rekorde të mbetura në futboll për Lionel Messin që t’i thyejë, por ai arriti ta gjejë një të martën mbrëma – një impresiv madje.

Me golin në fitoren 3-0 të Barcelonës kundër Real Valladolidit, Messi arriti golin e 644-t për klubin, transmeton Periskopi.

Kjo nënkupton se ai theu rekordin e Pele për më së shumti gola për një klub.

Pele kishte shënuar 643 gola në 19 sezone për Santosin në Brazil, mes viteve 1956 dhe 1974.

Për ta festuar këtë rekord, Messi shfrytëzoi Instagramin për të postuar një mesazh emocionues, të cilit ia bashkangjiti një grafikë duke festuar 644 golat.

Ai shkroi: ”Kur fillova të luaj futboll, kurrë nuk mendova se do të thyeja ndonjë rekord. Aq më pak atë që arrita sot. Vetëm mund t’i falënderoj të gjithë që më kanë ndihmuar ndër vite, bashkëlojtarët, familjen, shokët dhe të gjithë që më mbështesin çdo ditë. Përqafim.”/Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm