Rashkaj: UEFA është fajtori kryesor për ofendimet ndaj Kosovës

22:43 | 17 Nëntor 2024
E.G

Ish-kapiteni i Kombëtares së Kosovës, Anel Rashkaj, ka kritikuar ashpër UEFA-n, duke e konsideruar atë përgjegjëse kryesore për ofendimet me të cilat Kosova përballet në stadiumet ndërkombëtare.

Rashkaj ka qenë i ftuar në emisionin “AS” në RTK.

Ai ka thënë se toleranca e UEFA-s ndaj sjelljes së Serbisë ka nxitur një klimë negative ndaj Kosovës.

“UEFA është fajtori numër një për gjithë këtë situatë. Ajo ia ka dhënë lirinë Serbisë që tifozët e tyre të shfaqin banderolla të ndryshme dhe të fyejnë në të gjitha mënyrat. Pastaj të tjerët nuk e kanë pasur problem të madh dhe vetëm e kanë vazhduar ta fyejnë shtetin tonë. UEFA është dashur të fillojë nga Serbia, duke i dhënë një dënim të ashpër, që ta kuptojnë se nuk duhet të veprohet në atë mënyrë”, është shprehur Rashkaj.

Shpërndaje në rrjete sociale

Lajmet më të lexuara

Të ngjashme

Foto lajm