Manchester United ia ka vazhduar kontratën Marcus Rashfordit deri në vitin 2028.

Reprezentuesi anglez shijoi një sezon fantastik për klubin e tij të fëmijërisë në 2022/23, duke shënuar 30 gola dhe duke dhënë 11 asistime në të gjitha garat.

Duke folur për faqen zyrtare të klubit, Rashford tha:

“Unë iu bashkua Manchester United si një djalë shtatë vjeçar me një ëndërr. I njëjti pasion, krenari dhe vendosmëri për të pasur sukses më shtyn akoma sa herë që kam nderin të vesh këmishën. Unë kam pasur tashmë disa përvoja të mahnitshme në këtë klub të jashtëzakonshëm, por ka ende shumë për të arritur dhe unë mbetem pamëshirshëm i vendosur për të fituar më shumë trofe në vitet në vijim. Si një tifoz i United gjatë gjithë jetës sime, e di përgjegjësinë që vjen me përfaqësimin e këtij simboli dhe ndjej ngritje dhe ulje si çdokush. Mund t’ju siguroj se do të jap gjithçka për ta ndihmuar skuadrën të arrijë nivelin që ne jemi të aftë, dhe të njëjtën vendosmëri mund ta ndiej edhe në dhomën e zhveshjes. Nuk mund të isha më i emocionuar për të ardhmen nën këtë menaxher.”

THIS IS HOME ❤️

We couldn’t be happier, @MarcusRashford 🙏#MUFC

— Manchester United (@ManUtd) July 18, 2023

Rashford hyri në akademinë në Old Trafford dhe bëri debutimin e tij me ekipin e parë në një ndeshje të Europa League me FC Midtjylland në 2016, në të cilën ai shënoi dy herë në një fitore 5-1.

25-vjeçari që atëherë ka shënuar 123 gola në 359 paraqitje për klubin, duke fituar FA Cup, Kupën e Ligës dy herë dhe Europa League në vitet që nga debutimi i tij./Arbresh.info/