Google ADS

Rangnick u bën thirrje lojtarëve të Man United të zgjedhin kapitenin

11:51 | 28 Prill 2022
Lorik Gerbeshi

Shiriti i kapitenit të mbrojtësit të Manchester United, Harry Maguire është sërish në rrezik.

Maguire është përballur me kritika për formën e tij dhe pyetje mbi përshtatshmërinë e tij për të qëndruar si kapiten i United.

Ralf Rangnick nxiti atë debat të mërkurën kur u pyet nëse do t’ia rekomandonte Maguire si kapiten menaxherit të ri, Erik ten Hag.

“Unë besoj fuqishëm se kapiteni duhet të zgjidhet nga ekipi”, tha Rangnick.

“Në Gjermani kemi pasur gjithmonë një bord prej katër ose pesë lojtarësh të zgjedhur nga lojtarët”.

“Kjo është ajo që do të bëja nëse do të isha ende trajner sezonin e ardhshëm, por nuk jam. Kjo është diçka që Erik do të duhet të vendosë”, përfundoi tekniku gjerman./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm