Qeveria ”shpëton” mbajtjen e Super Kupës evropiane në Shkup

12:43 | 28 Qershor 2017
Arbresh.info

Qeveria e Maqedonisë në mbledhjen e sotshme ka diskutuar për kushtet e stadiumit ”Telekom Arena-Filipi i dytë” në Shkup dhe përgatitjet përfundimtare për mbajtjen e ndeshjes së superkupës evropiane, shkruan Telegrafi Maqedoni.

 Qeveria ka lëshuar 7 milionë denarë në arkat e Shoqërië Aksionare për menaxhim të pronës publike në Maqedoni për nevojat e plotësimit të kushteve të kërkuara nga UEFA për tu zhvilluar loja.

Bëhet fjalë për mjete të lëshuara për blerjen e kondicionerëve që janë edhe në listën e kërkesave të UEFA-së. Kondicionerët do të vendosen nëpër korridore dhe në dhoma e zhveshjeve për lojtarët.

Gjithashtu, në listën e prioriteteve janë edhe kushte tjera për të cilat do të gjendet zgjidhje e pjesshme nga Qeveria e Maqedonisë.

Përndryshe, më 8 gusht ëhtë loja mes Manchester United dhe Real Madrid, si fitues të UEFA Europa League dhe fituesit të Champions League.

Shpërndaje në rrjete sociale

Lajmet më të lexuara

Të ngjashme

Foto lajm