Punë e kryer, Mbappe te Reali Madrid, ‘El Chirnguito’ zbulon prapaskenat

16:32 | 3 Janar 2022
KRG

Gazetari i “El Chiringuito”, Josep Pedrerol, publikoi informacione ekskluzive që pretendojnë se Kylian Mbappe do të kalojë në Real Madrid.

Kontrata e Mbappes me PSG-në skadon në ditën e fundit të qershorit të këtij viti dhe që nga 1 janari 2022, francezi ka fituar të drejtën për të negociuar me të gjitha klubet e interesuara, përcjell GazetaBlic Sport.

Real Madrid e shfrytëzoi këtë dhe, sipas El Chiringuito, e përfundoi punën në vend.

Real Madrid e ka kërkuar Mbappen për një kohë të gjatë. Ata i ofruan PSG-së 200 milionë euro verën e kaluar, por francezët refuzuan.

Tani parizienët janë gjetur në një situatë ku nuk do të fitojnë asgjë nga Mbappe.

Mbappe luan për parisienët që nga viti 2017. PSG i pagoi Monacos 35 milionë euro për një huazim një vjeçar atë verë, dhe më pas e bleu atë sezonin e ardhshëm për 145 milionë euro.

Real Madrid dhe PSG takohen në kuadër të 1/16-tës së Ligës së Kampionëve.

 

Shpërndaje në rrjete sociale

Lajmet më të lexuara

Të ngjashme

Foto lajm