Publikohet orari për javën e katërt në elitën e basketbollit kosovar, kryendeshja të dielën

12:42 | 4 Tetor 2024
D.H

Superliga e Kosovës në basketboll vazhdon në këtë fundjavë me xhiron e katërt, ku pritet super duele interesante.

Padyshim vëmendja kryesore do të jetë tek “El Classico” e basketbollit kosovar ndërmjet Trepçës dhe Sigal Prishtinës, shkruan Arbresh.info.

Mirëpo përveç këtij derbi pritet të luhen edhe takime tjera interesante.

Xhiro e katërt nis me duelin ndërmjet Vëllaznimit dhe Proton Cable Prizrenit i cili luhet ditën e shtunë me fillim nga ora 17:15.

Një super sfidë do të jetë në po atë ditë mes Pejës dhe Golden Eagle Yllit, takim ky i cili luhet në ora 19:00.

Dita e diel sjell kryendeshjen mes Trepçës dhe Sigal Prishtinës e cila luhet në ora 17:15.

Ndërsa java mbyllet me Bashkimin dhe Boran nga ora 19:00.

Pas tri javësh në tabelë prinë Bashkimi i cili është pa humbje kurse pas prizrenasve vjen Trepça e Prishtina me nga dy fitore e një humbje./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm