Bazuar në informacionet e brendshme që Paris Saint-Germaini ka arritur që t’i marr, Nico Williams do të luajë për Athletic Bilbaon sezonin e ardhshëm, ka raportuar Diario AS.
Trajneri i PSG-së, Luis Enrique, dëshiroi që Nico ta zëvendësojë Kylian Mbappen në krahun e majtë të sulmit.
Tekniku spanjoll madje kishte telefonuar lojtarin dhe kishte diskutuar me të në lidhje me atë se si do të ishte përshtatur tek parisienët, por Williams refuzoi që të avancojë në bisedime.
Është lënë të kuptohet se ylli spanjoll ia ka konfirmuar Enriques se nuk do të largohet nga Bilbao gjatë këtij afati kalimtar veror.
Kjo është ndoshta arsyeja pse Barcelona ende nuk ka marr ndonjë përgjigje definitive nga Williams sa i përket të ardhmes së tij.
Disa burime nga Spanja bëjnë me dije se blaugranasit ende kanë shpresa që mund të nënshkruajnë me Williams këtë verë, por duket se tentativat e tyre do të dështojnë.
Megjithatë, ata nuk pritet që të qëndrojnë duarkryq, pasi Dani Olmo tashmë i ka dhënë dritën e gjelbër transferimit në Kataluni dhe mbetet vetëm të arrihet marrëveshja mes dy klubeve./Telegrafi/
Ministri Hoxha hedh poshtë akuzat e Bardhit për kryepolicin ...
A do të ndikojë debati presidencial Harris-Trump tek vota e ...
Blinken në Poloni pas vizitës në Kiev, për të forcuar mbësht...
Fabio Capello zgjedh fituesin e tij për Topin e Artë
Nënshkruhet marrëveshje për kamerat e sigurisë në mes të pol...
Arrestohet një serb i dyshuar për krime lufte në Istog