Paris Saint Germain ka bërë një përpjekje në minutën e fundit për të nënshkruar me Mesut Ozilin, por gjermani iu ka thënë atyre se nuk dëshiron të largohet nga Arsenali si një i huazuar.
Kampioni i Francës tashmë ka qenë shumë i zënë në merkaton e muajit janar duke nënshkruar me Leandro Paredesin dhe synon të përforcojë tutje mesfushën e tyre, por prioritet kanë ndryshuar pas lëndimit të Neymarit, transmeton portali arbresh.info.
PSG pret që braziliani të mungojë në dhjetë javët e ardhshme dhe Thomas Tuchel dëshiron të gjej një zëvendësues të tij ndërkohë që gazeta gjermane Suddeutsche Zeitung pretendon se ata kanë kontaktuar Ozilin.
Megjithatë, lojtari i Arsenalit ka refuzuar përpjekjet e tyre pavarësisht se i është ofruar pagë madhështore duke thënë se nuk dëshiron të shkoj te një klub si një i huazuar.
Arsenali besohet të jetë në gjendje për të lejuar Ozilin që të largohet për shkak se paga e tij prej 350 mijë funta në javë është duke i dhënë atyre pak mundësi për përforcime tjera në formë të përhershme.
Neymar ka thyer ashtin e pestë të këmbës së tij dhe do të mungoj në dy ndeshjet e PSG-së në Ligë të Kampionëve kundër Manchester United, ndonëse mund të rikthehet për çerekfinalet nëse ata arrijnë në raundin tjetër./arbresh.info/
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...