PSG heq dorë nga sulmuesi Alexis Sanchez

21:18 | 8 Gusht 2017
Arbresh Info

Sipas raporteve të ndryshme, Paris Saint Germain nuk është më i interesuar për të nënshkruar me sulmuesin e Arsenalit, Alexis Sanchez.

Gjiganti në Liga 1 është përfolur se ofron para të mëdha për të siguruar transferimin e 28-vjeçarit, por së fundmi ka nënshkruar me sulmuesin Neymar nga Barcelona për një tarifë që theu rekord botëror, transmeton portali arbresh.info.

Bazuar në ‘The Telegraph’, Sanchez ishte pjesë e listës së shkurtër nga PSG që përfshinte Kylian Mbappen e Monacos dhe Neymarin, i cili ishte në krye të listës.

Me transferimin e reprezentuesit brazilian, ylli i “Topçinjve” nuk është më në radarin e parisianëve, ndonëse Manchester City thuhet se ende është i interesuar në reprezentuesin e Kilit.

Sanchez ka shënuar 30 gola dhe ka krijuar 13 asistime sezonin e kaluar gjatë gjithë kompeticioneve./arbresh.info

 

 

Shpërndaje në rrjete sociale

Lajmet më të lexuara

Të ngjashme

Foto lajm