Google ADS

PSG fiton kryendeshjen ndaj Liverpoolit, në xhiron e fundit vendoset gjithçka

23:02 | 28 Nëntor 2018
Arbresh Info

Paris Saint-Germaini e ka fituar (2-1) kryendeshjen e xhiros së pestë në Grupin C të Ligës së Kampionëve ndaj Liverpoolit, në ndeshjen e zhvilluar në Parc de Princes.

Rezultati u zhbllokua në minutën e 13-të. Pas një gabimi të skuadrës mysafire, Juan Bernat shfrytëzoi nga rasti për t’i kaluar vendasit në epërsi.

Golin e dytë e shënoi Neymar (37’). Braziliani e shfrytëzoi një top të kthyer për ta dyfishuar avantazhin.

Në minutat shtesë të pjesës së parë (45’+1), me një gol të James Milner nga penalltia, Redsat i ngjallën shpresat për rikthim.

Mirëpo, të zgjedhurit e Jurgen Klopp nuk arritën që t’i ndryshonin gjërat në fraksionin e dytë.

Mesfushori shqiptar, Xherdan Shaqiri, hyri në lojë në minutën e 77-të, mirëpo nuk arriti t’i ndihmojë ekipit të tij që të nxjerrë rezultat pozitiv.

Shpërndaje në rrjete sociale

Lajmet më të lexuara

Të ngjashme

Foto lajm