Paris Saint Germaini është treguar e pamëshirshme edhe ndaj Rennes duke siguruar fitore bindëse.

Superylli Neymar, i cili u rikthye në formacionin startues pas dy ndeshje, ka shkëlqyer pasditen e sotme (e shtunë) duke shënuar dy gola dhe duke krijuar dy të tjera, shkruan portali arbresh.info. Skuadra e trajneri Unai Emery ka siguruar tri pikë të plota në takimin si mysafirë në Roazhon Park në kuadër të xhiros së 18-të në Liga 1 duke fituar me rezultat të thellë 1 me 4 ndaj Rennes.

Pas vetëm katër minutave lojë, Neymar realizoi golin e epërsisë me lehtësi, ku asistues ishte super talenti Kylian Mbappe. Ende pa kaluar 20 minuta lojë, Mbappe dyfishoi epërsinë dhe asistues ishte Neymar.

Pjesa e parë e ndeshjes përfundoi me rezultat 0 me 2, por nikoqirët arritën të shënojnë për 1 me 2 duke ngushtuar epërsinë e parisienëve me fillimin e pjesës së dytë. Ndombe Mubele ishte realizatori i këtij goli të vetëm nga skuadra e trajnerit Sabri Lamouchit.

Edinson Cavani arriti të pas të shënojë një supergol (76′) të klasit botëror pas asistimit nga mesfusha nga ish ylli i Barcelonës, Neymar, i cili realizoi golin e dytë personal vetëm një minutë më vonë (77′).

Të dy skuadrat ishin me dhjetë lojtar në fushë, nikoqirët në minutën e 63′ pas ndëshkimit të Benjamin Andres me kartonin e dytë të verdhë, ndërsa PSG një minutë pa përfunduar koha e rregullt e ndeshjes pas ndëshkimit të Presnel Kimbes.

Paris Saint Germaini tani ka 47 pikë dhe qëndron në krye të tabelës, nëntë pikë më shumë se kampioni në fuqi i Francës – AS Monaco./arbresh.info/

Shikoni golat:

https://streamable.com/8zyx0

https://streamable.com/1odnm

https://streamable.com/d8tor

https://streamable.com/apvs1

https://streamable.com/5y7q8