PSG e interesuar për të punësuar legjendën Arsene Wenger

22:05 | 12 Tetor 2018
Arbresh Info

Arsene Wenger mund të jetë në prag të rikthimit në futboll, pasi gjiganti në Liga 1 – Paris Saint Germaini thuhet se është i interesuar për të punësuar ish trajnerin e Arsenalit si drejtor të futbollit të tyre.

Wenger ka pushuar një kohë qysh pas largimit nga Arsenali verën e kaluar pas 22 viteve të paharrueshme në detyrë te klubi në veri të Londrës, transmeton portali arbresh.info.

Por, francezi mund të rikthehet së shpejti në futboll derisa ‘RMC’ është duke raportuar që PSG e do atë në punë së bashku me trajnerin aktual Thomas Tuchel.

Tuchel ka drejtuar PSG-në drejtë fitores së nëntë radhazi në Liga 1 qysh pasi mori detyrën si një zëvendësues i Unai Emery, i cili tashmë ka zëvendësuar Wengerin në Arsenal.

Por, gjermani thuhet se është duke u përplasur me drejtorin sportiv Antero Henrique dhe PSG ka vënë në shënjestër Wengerin për t’i dhënë fund zënkës mes trajnerit dhe bordit./arbresh.info/

Tuchel dhe Henrique kanë raporte të tensionuara

Shpërndaje në rrjete sociale

Lajmet më të lexuara

Të ngjashme

Foto lajm