PSG dhe Messi janë larg marrëveshjes

11:30 | 16 Mars 2023
K.B

PSG nuk ka arritur ende një marrëveshje me Lionel Messin për vazhdimin e kontratës.

Një pjesë e mediave franceze pretendojnë se negociatat tashmë janë pezulluar. Kontrata e argjentinasit skadon në fund të sezonit aktual.

Ndërkohë, e përditshmja spanjolle “Marca” raporton se të dyja palët janë larg një marrëveshjeje.

Negociatat arritën në ngërç në janar, pas kthimit të Messit nga Katari, ku fitoi Kupën e Botës me Argjentinën.

Të dy palët nuk kanë mundur të bien dakord për pagën. Babai i Messit kërkoi rritje prej 10 milionë eurosh, në mënyrë që djali i tij të fitojë 40 milionë euro në sezon.

35-vjeçari shënoi 18 gola e 17 asistime në 31 ndeshje për PSG-në në të gjitha garat këtë sezon.

 

Shpërndaje në rrjete sociale

Lajmet më të lexuara

Të ngjashme

Foto lajm