Ndeshja në mes të Paris Saint-Germain dhe Instanbul Basaksehir që u anulua sonte shkaku i një zyrtari që përdori terma raciste kundrejt një lojtari, pritet të zhvillohet nesër
Instanbul e ka akuzuar zyrtarin e katër, Sebastian Coltescu që ka përdorur term racist kundër asistentit të trajnerit, Pierre Webo.
Ish lojtari i Kombëtares se Kamerunit ishte ndëshkuar me të kuq pasi që kishte pasur një shkëmbim në bankinë me ekipin kundërshtar, transmeton gazeta Express.
Futbollistët e Istanbulit u larguar nga fusha në shenjë proteste kundrejt kësaj. Njëjtë vepruan edhe futbollistët e PSG.
Incidenti ndodhi në minutën e 14-të te ndeshjes se Grupit H të Ligës së Kampioneve, në të cilën ende nuk kishte shënuar gola.
Ajo do të luhet të mërkurën duke filluar në minutën e 14-të, me një palë gjyqtarë të rinj. Ndeshja do të fillojë në orën 17:55.
“UEFA ka – pas diskutimeve më të dyja klubeve – vendosur që në bazë të rregullave ndeshja të filloj në minutat e mbetur nesër me zyrtarë të rinj në arbitrim”, thuhet në deklaratën e UEFA-së.
“Një hetim i plot për incidentin do të bëhet menjëherë”.
Sulmuesi i Instanbul Demba Ba, i cili ishte një zëvendësues, është parë duke e pyetur zyrtarin: Pse, ju thatë djali i zi, a duhet të thoni ky djali i zi”.
“A e ka ky seriozisht? Ne po shkojmë. Kaq ishte, ne po shkojmë”, shihet duke thënë mbrojtësi i PSG-së, Presnel Kimpembe.
Në këtë debat është përzier edhe presidenti i Turqisë, Rexhep Tajip Erdogan i cili ka thënë se beson që UEFA do të “merr hapat e nevojshme për rastin”.
“Ne jemi pa kushte kundër racizmit dhe diskriminimit në sport dhe në të gjitha fushat e jetës”, shkroi ai në Tëitter. /Arbresh.info/
Ekspertët e sigurisë kibernetike dhe psikologët tregojnë mas...
Superliga vazhdon me ndeshjet e xhiros së nëntë, luhet në Su...
46 aksidente trafiku brenda 24-orëve
Dëmtohet një varrezë në Fushë Kosovë, policia po heton rasti...
Të shtëna me armë zjarri në Prishtinë, arrestohet një person
Gjendet në rrugë pa shenja jete një person në Gjilan