Proton Cable fiton derbin e Prizrenit ndaj Bashkimit në basketboll

20:59 | 3 Dhjetor 2023
D.H

Proton Cable Prizreni ka arritur të fitoj derbin e Prizrenit ndaj skuadrës së Bashkimit me rezultat 90-82, në kuadër të javës së 11-të, në Superligën e Kosovës në Basketboll.

Kjo ishte fitorja e dytë radhazi për P.C. Prizrenin në elitë, pas asaj fitore në mesjavë ndaj kampionit Pejës, shkruan Arbresh.info.

Kjo ndeshje nuk nisi në mënyrën më të mirë të mundshme për bardhezinjët të cilët e panë vetën në disavantazh pas dy çerekëve me rezultat 46-42.

Por në pjesën e dytë skuadra u rikthye dhe arriti të shënoj fitore në fund me rezultat 90-82.

Më i miri në këtë ndeshje ishte Desi Sills me 28 pikë, pesë kërcime e pesë asistim, lojë të mirë bëri edhe Musab Mala që shënoi 18 pikë e dha gjashtë asistime.

Për Bashkimin më të mirët ishin tandemi Isiah Umipig dhe Eric Copes, që realizuan nga 18 pikë secili.

PCP arriti fitoren e katërt këtë sezon pas 11 ndeshjeve teksa për Bashkimin kjo ishte humbja e shtatë në këtë sezon./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm