Borussia Dortmund mposhti Celticun me rezultat 7-1 në “Signal Iduna Park” në raundin e dytë të Ligës së Kampionëve.

Tifozët e klubit gjerman kanë varur në tribunën e tyre një pankartë të madhe me shkrimin “UEFA MAFIA”.

Poshtë kishte një mbishkrim më të vogël ku shkruhej: “Juve nuk iu intereson sporti, iu intereson vetëm paraja”, dhe sipër tij ishte adresa e internetit “www.nein-zur-cl-reform.de”.

Nëse e hapni, do të gjeni Deklaratën e Përbashkët për reformën e garave të UEFA-s, për të cilën kanë rënë dakord 20 grupe tifozësh të klubeve evropiane.

“Për kë tjetër është ky futboll? Një reformë gjithëpërfshirëse e garave të UEFA-s do të hyjë në fuqi për sezonin 2024/2025, e ndjekur nga një rritje e ndjeshme e numrit të ndeshjeve”.

“Përveç ngarkesës më të madhe për lojtarët dhe tifozët, kjo do të shoqërohet veçanërisht me një rritje të të ardhurave, gjë që do të forcojë strukturat ekzistuese në futbollin evropian të klubeve dhe do të përkeqësojë disbalancën brenda ligave kombëtare”.

“U bëjmë thirrje përgjegjësve që të zhvillojnë zgjidhje të qëndrueshme për futbollin pan-evropian për të siguruar gara të ndershme dhe emocionuese në nivel kombëtar dhe ndërkombëtar”, thuhet në këtë adresë.

1. FC Köln: Südkurve Köln
Bayer Leverkusen: Ultras Leverkusen, Nordkurve 12
Borussia Dortmund: Südtribüne Dortmund
Brøndby IF: Sydsiden Brøndby
BSC Young Boys: Ostkurve Bern
FC Bayern Munich: Südkurve Munich
FC Luzern: USL
FC St. Pauli: Ultrà Sankt Pauli
FC Zurich: Zürcher Südkurve
Hannover 96: Ultraszene Hannover 96
Hertha BSC: Harlekins Berlin ’98
Linzer ASK: Landstrassler
Malmö FF: Supras Malmö
SC Freiburg: Corrillo Ultras, Synthesia Ultras 79
SK Rapid: Tornados Rapid, Ultras Rapid
VfB Stuttgart: Commando Cannstatt 1997
Werder Bremen: Wanderers Bremen

/Telegrafi/