Google ADS

Promotori i Mayweather flet për duelin e mundshëm me Pacquaio

22:04 | 21 Janar 2019
Arbresh.info

Pasi Manny Pacquaio arriti ta mbrojë me sukses titullin e WBA, ai menjëherë ftoi për luftë Floyd Mayweatherin.

Mayweather – Pacquaio në vitin 2015 ishte dueli që theu të gjitha rekordet e fitimeve asokohe.

Ishte amerikani i cili triumfoi në atë ndeshje edhe pse vendimi i jurisë u diskutua shumë nga legjendat e boksit.

Por, a do të kemi revanshin e madh pas katër viteve? Për këtë çështje ka folur promotori i Floyd, Leonard Ellerbe.

“Floyd është i pensionuar dhe nuk ka interes ta bëjë një gjë të tillë” ka thënë Ellerbe për “Business Insider”, transmeton lajmi.net.

“Ai nuk e ka dëshirën, motivimin. Ai po jeton jetën më të mirë, po udhëton, po udhëheq disa biznese. Ai do të mbush 42 në shkurt” ka thënë tutje promotori i Mayweather.

Edhe pse një revansh potencial mund të sillte miliona dollarë fitime për të dy boksierët, Ellerbe ka thënë se nuk bëhet fjalë gjithmonë për paratë.

Shpërndaje në rrjete sociale

Lajmet më të lexuara

Të ngjashme

Foto lajm