Prishtina me shumë mungesa fiton çerekfinalen e parë të Play-offit

21:59 | 7 Prill 2024
D.H

Sigal Prishtina ka arritur të mposht skuadrën e Vëllaznimit me rezultat 72-64 në kuadër të çerekfinales së parë të Play-offit në basketbollin kosovar.

Në këtë ndeshje të balancuar Prishtina u tregua më e mirë në çastet e fundit dhe arriti të siguroj fitoren e parë në këtë seri të play-offit, shkruan Arbresh.info.

Henrik Shirko ishte lojtari më i dalluar në fitoren e kryeqytetasve me 18 pikë të shënuar.

Kontribut të madh dha e Donte Clark që shtoi edhe 15 pikë, shtatë kërcime e tre asistime.

Ndërsa tek mysafirët Jalen Ray luajti me 16 pikë, teksa me nga 14 sosh luajtën edhe Daniel Lekndreaj e Jordan Dallas.

Sfida e dytë e kësaj serie luhet të martën në Gjakovë.

Kurse fituesi i kësaj çerekfinale në gjysmëfinale të Play-offit do të takohet me Trepçën.

Kujtojmë se bardhekaltrit në këtë ndeshje u parqiten pa Dardan Berishën e Derrick Wilson./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm