KB Prishtina është eliminuar nga FIBA Kupa e Evropës pas disfatës në shtëpi mbrëmjen e sotme (e mërkurë) ndaj Medi Bayreuth.
Klubi i basketbollit nga kryeqyteti ka humbur takimin e zhvilluar në Pallatin e Rinisë dhe Sporteve në Prishtinë kundër klubit gjerman me bazë në Bayreuth, shkruan portali arbresh.info.
Ndeshja e zhvilluar këtë mbrëmje në kuadër të FIBA Kupës së Evropës përfundoi me rezultat 68 – 93 në favor të mysafirëve.
Qysh në çerekun e parë të ndeshjes, gjermanët krijuan një epërsi prej dhjetë pikësh (13-23) duke e thelluar atë më pas në çerekun e tretë (51-63) pasi në të dytin djelmoshat tanë kishin një ecuri më të mirë (36-41) në lojë.
Sidoqoftë, në fund u mposhtën me një diferencë të madhe prej 25 pikësh.
Kjo e lë klubin tonë me vetëm shtatë pikë në tabelë dhe të pashpresë për të kaluar në pozitën kualifikuese me vetëm një ndeshje të mbetur./arbresh.info/
Është gjetur edhe vetura e dytë, e cila ishte vjedhur në fsh...
Vitia: Modernizimi i hapësirave spitalore po vazhdon, janë k...
Ursula von der Leyen nesër në Prishtinë, pritet nga kryemini...
Kryesia e Kuvendit të hënën me mbledhje, në rend dite projek...
“Nxënësit po përgjumen”, mësuesja në Tiranë alarmon se po pë...
“Përfitoi 40 mijë euro”, Gjykata merr një vendim për personi...