Prishtina e Re reagon pas humbjes nga Flamurtari: U dëmtuam rënd

19:53 | 5 Tetor 2024
D.H

Prishtina e Re është mposhtur sot nga Flamurtari me rezultat minimal 1-0 në kuadër të xhiros së tetë në Ligën e Parë të Kosovës të grupit B.

Mirëpo pas ndeshjes skuadra kryeqytetase ka dal me një reagim ku është ankuar në vendimet e gjyqtarëve.

Përmes një video të postuar në rrjetin social Facebook, ata kanë paraqitur rastet diskutabile të ndeshjes sipas tyre.

Gjithashtu bëjnë të ditur se ankesat do t’i adresojnë dhe në organet kompetente.

“Gjykuar nga këto pamje që kemi, vlerësojmë se sot nga ky vendim dhe disa vendime tjera të cilat për ne ishin diskutabile u dëmtuam rënd”, shkruhet ndër të tjera në reagimin e Prishtinës së Re.

Kujtojmë se pavarësisht kësaj humbje, kjo skuadër renditet e para në tabelë me 21 pikë, katër më shumë se Dinamo e Ferizajt./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm