Janë zhvilluar edhe tri ndeshje në kuadër të Superligës së Kosovës në futboll, ku ka pasur befasi të mëdha.

Prishtina është mposhtur në shtëpi nga Dukagjini me rezultat të ngushtë 1:1.

Autogola e mesfushorit të Prishtinës, Muhamedin Useini e zhbllokoi rezultatin në minutën e nëntë.

Por, skuadra nga kryeqyteti arriti ta barazoj rezultatin me Mergim Pefqelin që rregulloi gabimin e bashkëlojtarit.

Megjithatë mysafirët nuk u dorëzuan dhe arritën deri te fitorja me golin e Altin Merlaku.

Pas kësaj humbje Prishtina bie në vendin e pestë me 38 pikë, kurse Dukagjini është një pozitë më poshtë me po aq pikë.

Rezultat i papritur erdhi edhe në pëballjen ndemjet Ferizajt e Gjilanit.

Ferizaj arriti që të largohet nga zona e rrezikshme duke fituar me rezultat 2:0.

Gentrit Halili dhe Ramusa ishin heronjtë e vendasve me nga një gol të shënuar në çdo pjesë.

Gjilani nga minuta e 58 luajti me një lojtarë më pakë, pasi Elton Cale u ndëshkua me të kuq.

Ferizaj tani gjendet në vendin e shtatë, kurse Gjilani mbetet në të tretin.

Në ndeshjen e fundit Llapi fitoi me rezultat të thellë përball Drenicës.

Gerhard Progni, Alef Firmino, Festim Alidemaj dhe Albion Kurtaj shënuan nga një gol secili për t’ia siguruar fitoren 4:0 skuadrës nga Podujeva.

Me këtë fitore Llapi shfrytëzon humbjen e Prishtinës dhe ngjitet në vendin e katërt, kurse Drenica mbetet në vendin e fundit./Arbresh.info/