Prezantohet topi i Ligës së Kampionëve për sezonin 2018/19

13:31 | 15 Gusht 2018
Arbresh Info

Topi për ndeshjet e UEFA Ligës së Kampionëve ka marrë një pamje të re për sezonin e ardhshëm 2018/19.

Kompania Adidas ka prezantuar topin që do të shfrytëzohet për sezonin e ardhshëm dhe dizajni i tij me panele të dallueshme të yjeve nuk ka ndryshuar, transmeton portali arbresh.info.

Megjithatë, ndryshe nga ngjyra bardhë dhe zi e shfrytëzuar deri tani, këtë vit topi posedon panele të mëdha me ngjyrë blu dhe yje të bardhë.

Adidas, që ka dizajnuar topin e Ligës së Kampionëve që nga viti 2001, ka prezantuar një pamje të re për sezonin e 17-të.

Ngjyra blu është e njëjtë e shfrytëzuar te logojo e Ligës së Kampionëve, ndërsa yjet janë krijuar me një material më ndriçues sesa panelet mat gjashtëkëndore./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm