Kombëtarja e Kosovës në konkurrencën e vajzave/grave e zhvillon sot ndeshjen kundër Norvegjisë, në kuadër të Grupit F për kualifikimet e Botërorit 2023 në Sandefjord.
Në prag të kësaj ndeshje, presidentja e Federatës së Futbollit të Norvegjisë, Lise Klaveness ka shtruar një drekë zyrtare për drejtorin teknik të FFK-së, Albert Bunjaki dhe delegacionin e UEFA-s, përcjell arbresh.info.
Gjatë këtij takimi, Bunjaki e falënderoi znj. Klaveness për mikpritjen e ngrohtë, derisa në emër të presidentit Agim Ademi e përgëzoi për zgjedhjen e saj në krye të futbollit norvegjez.
Ai e njoftoi presidenten e FF të Norvegjisë me rrjedhat e futbollit të Kosovës, veçmas me zhvillimin e futbollit të vajzave dhe grave, si dhe me projektin e fundit të bashkëpunimit me Suedinë, ku drejtimi i ekipit kombëtar iu besua stafit të trajnerëve suedezë.
Bunjaki theksoi rëndësinë që Suedia dhe Norvegjia si dy superfuqi të futbollit të grave të japin ndihmën e tyre në përparimin e lojës së futbollit në Kosovë.
Znj. Klaveness u shpreh e lumtur me projektin e FFK-së për masovizimin dhe progresin e futbollit të vajzave dhe grave, teksa shprehu gatishmërinë e saj për mbështetje të këtij projekti.
Në fund, Bunjaki në emër të presidentit Ademi e ftoi znj. Klaveness për vizitë në Kosovë, të cilën ajo e mirëpriti dhe premtoi se në të ardhmen e afërt do ta realizojë.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite